Samain 2019

Levamos varias semanas preparando o Samaín. Por un lado cantamos e bailamos polas mañas a canción "O Samaín" de Brinca Vai. Tamén escribimos e decoramos palabras de medo, decoramos a aula con arañas e grazas ás familias tivemos unha exposición moi chula de monstros terroríficos. Por último, os nenos e nenas de 6° viñeron a facer unha manualidade divertidiiiisima!!

Xogamos coas mates

Hoxe en mates xogamos coa escaleira dos números ata o 10. Contamos de un en un, de dous en dous, colocamos os números que faltaban, colocamos tantos pauciños como indicaba o número, ou dado o número puxemos pauciños,....
Xogando a contar aprenden os números, xa que contar é asociar número con cantidade, non memorizar, que é recitar.

Cantos sentidos temos?

Esta semana aprendemos cantos sentidos temos, fixemos xogos e escoitamos esta canción.

Caixa dos sons

Chave, pompón, moto, patinete, moeda, lazo, tapa,xoaniñas, ollo, coche, castaña,.... moitos obxectos para a caixa dos sons. En breve comezaremos co noso abecedario. Grazas familias.

A caixa dos sons

Hoxe metemos na caixa dos sons: un moucho, un botón, unha púa, unha landra, un tapón, unha pinza, unha cuncha... 😍😍 que ben!!!

El ladrón de palabras

Seguimos traendo máis palabras para os botes do ladrón de palabras. Os nenos/as len as palabras e falamos delas para clasificalas. Grazas familias.

A caixa dos sons

Tamén nos animamos a traer os primeiros obxectos para a caixa dos sons. Unha bolboreta, un botón, unha castaña,... Encantounos metelos nas súas caixiñas correspondentes. Grazas familias.

Cando teñamos máis obxectos comezaremos a facer o abecedario. Continuará...

El ladrón de palabras

Xa comezamos a ter as primeiras palabras para os tarros do ladrón de palabras. Estes compañeiros de clase, leron as palabras que trouxeron e falamos delas. Grazas familias por colaborar. Continuará...

SEGUIMOS SUMANDO

Para que adquiran o concepto de suma, estamos empregando ferramentas visuais como policubos, pauciños, bolas de madeira na máquina de sumar,...estes manéxanos con facilidade. Polo que lles resulta divertido aprender a sumar. Ademáis traballamos aspectos transversais como o traballo en equipo, traballo sobre as normas, a motivación e a xestión da fustración.

PLANETARIO NO COLEXIO

Saimos ata o pavillón do Colexio para ver un conto e unha presentación do sistema solar, na estación de outono, nun planetario. Logo na clase visionamos un vídeo do Sistema Solar. Gustounos moito!!

Saída Auditorio Cañiza

Onte saimos ata o Auditorio da Cañiza para ver e desfrutar da actuación de Migallas. 

 

SUMAMOS

Comezamos coas sumas. Empregamos os policubos para facelas. 

Os policubos son un material colorido e atractivo para os nenos e nenas, con eles traballamos a motricidade fina e son moi visuais polo que permiten entender conceptos abstractos.

Ciencias da Matureza 1º Primaria

Na clase de Ciencias da Natureza estamos traballando as partes do corpo humano e as articulacións. Estivemos vendo estes vídeos.

SAÍDA BIBLIOTECA CONCELLO 1°PRIMARIA

Hoxe saímos do colexio para ver unha obra de teatro á Biblioteca do Concello. Pero ademáis de desfrutar coa obra de teatro, tivemos dúas sorpresas. Unha foi:que nos ensinaron un balón, feito polos nenos e nenas, pais, mestra, dunha unitaria de Ombre (Pontedeume) que roda pola igualdade e diversidade; e a outra foi: que fixemos galletas monstruosas. Pasámolo xenial!!!