CHEGOU O NADAL

Rematamos un trimestre, e neste mes de decembro tivemos tempo para facer postais, decorar a porta da aula, facer a carta aos Reis Magos, ensaiar moito para o festival de Nadal,... Así que agora toca descansar e coller forzas para o seguinte trimestre.

Moitas grazas familias pola vosa colaboración e BO NADAL!!!

  

                  

             

       

Día das persoas con discapacidade

 Reflexión, conciencia e inclusión, os 3 obxectivos que persigue o Día Internacional das Persoas con Discapacidade. Cada 3 de decembro celébrase o Día Internacional das personas con Discapacidade.

Ten por obxecto axudar a entender cuestións relacionadas coa discapacidade, os dereitos das persoas con discapacidade e os beneficios que se derivarían da integración destas persoas en todos e cada un dos aspectos da vida.

Visionamos estes vídeos e falamos sobre as persoas con discapacidade, pondonos no seu lugar.