Animais mamíferos e as aves

 

SAÍDA AO MONTE PRÓXIMO AO COLEXIO

Hoxe, por fin, saiu o sol e saimos ao monte que está baixando o colexio. Levamos estudando, durante unhas semanas, no libro de Ciencias da Natureza as plantas. Pero decidimos programar un paseo para observar, calcular, tomar notas, facer fotografías, debuxos, esquemas, comentar e compartir a experiencia,... e para elo levamos un Caderno de Campo (ferramenta imprescindible para o estudo da natureza in situ, ademáis de fomentar a observación, a creatividade e axudar a desenvolver a expresión escrita.)

Antes da saída preparamos o que precisábamos: caderno de campo, lápis e ceras, bolsa para as mostras (reforzamos a idea de que hai que respetar as plantas e as flores, así como animais que atopemos), prismáticos, lupas,...

Durante a saída xogamos a preguntar: Que árbore, planta ou flor é?, É de folla perenne ou caduca?. Xogamos ao vexo, vexo.

Outra actividade foi facer calcos. Calcamos follas e cortezas de árbores. Coa tablet sacamos fotos e co programa PlantNet identificamos as plantas a través das fotos e así a aprendizaxe foi automática.

Logo na aula clasificamos as mostras, debuxamos e pegamos as follas, coloreamos, escribimos as impresións,...

Pasámolo tan ben, que seguro que repetiremos.

Animais vertebrados e invertebrados

 

"As nosas cidades e os Ozobots"

Hoxe fixemos unha actividade coas cidades que fixeron os nenos e nenas e cos Ozobots (robots diminutos).

Primeiro, debuxaron traxectos de líneas (cun grosor determinado e con precisión, se debuxan mal as líneas non as lee o robot) para que o robot fixera o percorrido que lle marcaron.

Despois, colocaron as cidades que fixeran nas súas casas.

Por último, encenderon os Ozobots e colocáronnos no circuito.

Mirade que ben o pasaron!!!

Seguiremos facendo cousiñas de robótica.

Día Mundial da Radio 2021

Hoxe 13 de febreiro celébrase o Día Mundial da Radio e o profe Breixo fixo un programa de radio con algúns nenos e nenas de 2°, escoitade, a ver se os coñecedes. 

http://escolasnasondas.com/cpi-da-caniza-para-o-dia-mundial-da-radio-2021/

Entroido 2021

Este ano debido ao COVID, a celebración do Entroido que tanto nos gusta, quedou suspendida. Ainda así pasámolo ben facendo carautas e traendo os nosos disfraces máis graciosos das nosas casas.

AGORA TOCA DESCANSAR UN POUQUIÑO. VÉMONOS A VOLTA!!

COIDÁDEVOS.

ENTROIDO 2021

RECORDA,  PARA A SEMANA QUE VEN COMEZAMOS COAS ORDES DO MECO.

O VENRES 12 PODES VIR DISFRAZADO DO QUE DESEXES.

BO FIN DE SEMANA