30 de Xaneiro (Día Internacional da Paz e da Non Violencia)

Hoxe, 30 de xaneiro, celebramos no colexio, o día Internacional da Paz e da Non Violencia.
Repasamos mans e pintámolas de cores para decorar a entrada do colexio. Tamén representamos o conto: Negros e brancos. E participamos na IV Carreira Solidaria, para colaborar co Concello na recollida de alimentos. Acordádevos que se poden traer ó colexio a partir de mañá.

CADERNO DE RECEITAS

Seguimos traballando a alimentación e fixemos un caderno de receitas. Cada neno e nena escribiu o nome da receita, os ingredientes, a elaboración e un debuxo do produto final.

Durante 2 semanas estiveron expoñéndolle aos seus compañeiros a súa receita, polo que traballaron a expresión oral, que é tan importante coma a lingua escrita.  Ademáis reforzaron o proceso de aprendizaxe e valoraron máis o traballo en grupo, transmitindo coñecementos. Ainda que a maioria non lles gusta falar en público, teñen vergoña, medo,... Polo que canto antes o traballen e sintan confianza, antes acadarán a competencia.

Pincha no enlace para ver o resultado final.

https://drive.google.com/file/d/1py_LWsYVgt-EFNTIhf1Fr2Wcw1J1x9NN/view?usp=drivesdk

Abecedario caixa dos sons

 Comezamos co noso abecedario, coa axuda da caixa dos sons.

Cada neno e nena tiñan que coller obxectos na caixa e buscar no abecedario a letra pola que comezaba a palabra e escribila. Encantoulles a actividade e estaban moi motivados escribindo as palabras.

Esta forma permíteme traballar cos nenos e nenas a linguaxe de forma sensorial, experimentando cos sentidos: xa que visualizan a vocalización dos fonemas, tocan e collen os obxectos que teñen que escribir, recoñecen as letras e senten a vibración da garganta á hora de pronunciar os diferentes sons; polo tanto é unha aprendizaxe máis significativa, máis concreta e máis cercana. Esta forma axúdalles a traballar de maneira manipulativa a conciencia fonolóxica e a correspondencia son/grafía.

PIRÁMIDE DOS ALIMENTOS

En Ciencias Naturais estamos traballando os alimentos, polo que visionamos un vídeo e fixemos a nosa pirámide colocando os alimentos, que recortamos de catálogos de supermercados. E aprendemos que alimentos son os máis importantes, de cales temos que consumir máis, de cales menos... Así nos quedou!!!