Hoxe tivemos un día estupendo para realizar a nosa primeira saída de outono. Saímos para observar, falar, preguntar,... sobre as árbores, plantas, animais,... nesta estación do ano. Levábamos bolsas para recoller mostras e lupas para que non se nos escapara ningún detalle.
De volta na aula agardábanos o noso caderno de campo, no que rexistraremos todo o observado (animais que atopamos, froitos, cor das follas das árbores,...)
O caderno de campo contribue ao traballo en equipo, fomenta a creatividade, desenvolve a observación e os sentidos, permite traballar o método científico, contribue ao desenvolvemento da linguaxe e os nenos e nenas son os protagonistas.
Tamén clasificamos o que recollemos.
Pasámolo en grande, polo que repetiremos para completar o noso caderno de campo estacional.
No hay comentarios:
Publicar un comentario